ભગવાન સ્વામીનારાયણની સ્મૃતિ સ્વરૂપ આ મંદિરના આંતરિક ભાગમાં ભગવાન ઘનશ્યામની મુર્તિ ઉત્તર ભાગમાં આવેલી છે, જયારે પ્રસાદી મંદીરમાં સ્વામી નારાયણ ભગવાને વાપરેલી ચીજો-વસ્તુઓની પ્રદર્શની છે.મંદિરના દક્ષિણે મોટુ લીમડાનું વૃક્ષ તથા વાસુદેવ ખંડ આવેલ છે,જયાં સ્વામી નારાયણભગવાને વચનામૃત નામે ઓળખાતા પ્રવચનો આપ્યા હતા.મે-૨૦૧૨માં આ મંદિરના શિખરને સોનાનો ઢોળ ચડાવવામાં આવ્યો છે,જે ગુજરાતનું પ્રથમ મંદિર છે.

આ એક ઘણુ જ ઐતિહાસિક અને પ્રાચિન સ્થળ છે,જે મહાભારત સમય(ખાસ પાંડવો)સાથે સંકળાયેલુ છે. પાંડવ ભીમે અહીં શીવલીંગની સ્થાપ્ના કરી હતી,જેની અર્જુન દ્વારા પુજા-અર્ચના કરવામાં આવતી હતી.તેથી આ સ્થળ ભીમનાથ મહાદેવ તરીકે ઓળખાય છે.